Búist við stormi í dag

Á vef Veðurstofu Íslands er viðvörun því búist er við stormi á landinu í dag. Á morgun, þriðjudag snýst í Suðvestanstorm með éljagangi og kólnandi veðri.

Ganga mun í Suðaustan 15 til 23 m/s með slyddu eða rigningu Sunnan og Vestanlands, hvassast við sjávarsíðuna. Hlýnandi veður ásamt rigningu ofan á svellbunka veldur hálku og því eru vegfarendur beðnir um að fara varlega.

Veðurhorfur næstu daga eru eftirfarandi:

Á miðvikudag:

Suðlæg átt, 8-15 m/s og víða él en úrkomulítið NA-til. Frost 0 til 8 stig, kaldast í innsveitum. 

Á fimmtudag:

Hæg breytileg átt, víða léttskýjað og talsvert frost. Vaxandi suðaustanátt og snjókoma SV-til seint um kvöldið, og dregur úr frosti. 

Á föstudag:

Austlæg átt, 8-15 m/s og slydda eða snjókoma, en él norðantil. Frost víða 0 til 6 stig en hiti um frostmark syðst. 

Á laugardag og sunnudag:

Fremur hæg breytileg átt og él í flestum landshlutum. Kalt í veðri.