BS kallaðir til aðstoðar í Grindavík

Brunavarnir Suðuresja hafa sent tækjabíl og körfubíl til Grindavíkur til að aðstoða slökkvilið Grindavíkur í baráttu við eldinn sem braust út í fiskimjölsverksmiðju Samherja fyrir stundu. Björgunarsveitin Þorbjörn er einnig á vettvangi.

Talið er að sprenging í þurrkara hafi orsakað brunann. Eldurinn er gífurlegur og sést reykjarmökkurinn allt til Reykjanesbæjar.

Ekki hefur enn borist fréttir af slysum á fólki.

Þorsteinn Kristjánsson, ljósmyndari Víkurfrétta, náði þessum myndum fyrir nokkrum mínútum.