Brynja Vigdís skipuð prestur í Njarðvík

Séra Brynja Vigdís Þorsteinsdóttir hefur verið skipuð prestur í Njarðvíkurprestakalli. Brynja mun starfa við hlið séra Baldurs Rafns Sigurðssonar, sóknarprests. Þrír sóttu um embættið en umsóknarfresturinn rann út 5. apríl síðastliðinn.

Biskup skipaði í embættið í samræmi við niðurstöðu kjörnefndar prestakallsins. Undir Njarðvíkurprestakall falla Ytri-Njarðvíkursókn, Innri-Njarðvíkursókn og Kirkjuvogssókn í Höfnum.