Bryggjuhús fær 5 milljónir úr Húsfriðunarsjóði
Reykjanesbær fær fimm milljónir króna úr Húsfriðunarsjóði vegna framkvæmda við endurbyggingu bryggjuhúss Duushúsa. Staðfesting þess efnis hefur borist menningarráði bæjarins.
Þessi upphæð hrekkur þó skammt upp í heildarkostnaðinn sem áætlaður er 115 milljónir króna. Samkvæmt Framtíðarsýn bæjarstjórnar er ráðgert að ljúka verkinu á yfirstandandi kjörtímabili.
Mynd: Bryggjuhús Duushúsa.
