Sunnudagur 30. júlí 2006 kl. 10:17
Brutust inn í íþróttavöruverslun

Brotist var inn í íþróttavöruverslun í Reykjanesbæ í nótt og höfðu þjófarnir brotið rúðu í versluninni til þess að komast inn. Þjófarnir voru snarir í snúningum og höfðu á brott með sér nokkur skópör.
Skömmu eftir innbrotið hafði lögreglan í Keflavík hendur í hári þjófanna sem voru ölvaðir en þeirra bíður nú yfirheyrsla.