Brotnar rúður og fokin þök - myndir

Þau eru fjölbreytt verkefnin sem björgunarsveitir á Suðurnesjum eru að fást við nú í kvöld. Brotnar rúður og fokin þök eru þar á meðal.

Ljósmyndari Víkurfrétta fylgdi eftir flokki björgunarsveitarmanna í Reykjanesbæ í kvöld þar sem meðal annars þurfti að negla plötur fyrir glugga þar sem rúða hafði brotnað. Skömmu síðar var tilkynnt um að þakjárn væri fokið af húsi í bænum. Skömmu síðar var tilkynnt um rúðu sem væri að springa í fjölbýlishúsi í Keflavík. Þegar það verkefni var yfirstaðið beið enn eitt útkallið þar sem einstaklingur var að negla niður hjá sér þakið en var orðinn uppiskroppa með nagla.

Tugir björgunarsveitarmanna eru í útköllum um öll Suðurnes þessa stundina og eru fjölmörg krefjandi verkefni til úrlausnar.



Þakjárn fauk af hús við Njarðvíkurbraut í Innri Njarðvík.



Það er nauðsynlegt að vera með góðar varnir eins og gleraugu og hjálma í þeim aðstæðum sem nú eru úti.





VF-myndir: Hilmar Bragi