Brotist inn hjá Skipasmíðastöð Njarðvíkur

Brotist var inn á skrifstofu Skipasmíðastöðvar Njarðvíkur aðfararnótt mánudags og peningar teknir úr afgreiðslu. Innbrotið var tilkynnt til lögreglunnar í Keflavík í gærmorgun.

Í gær voru átta ökumenn kærðir fyrir hraðakstur á Suðurnesjum. Fjórir voru teknir á Reykjanesbraut, tveir á Garðvegi og tveir á Sandgerðisvegi. Sá sem hraðast fór var á 136 km þar sem hámarkshraði er 90 km.  Níu ökumenn voru kærðir fyrir að vera ekki með öryggisbeltið spennt við aksturinn.  Einn ökumaður var tekinn grunaður um ölvun við akstur.