„Brjáluð traffík“ í Nýja bakaríinu

Eyjólfur Hafsteinsson bakarameistari í Nýja bakaríinu og hans fólk hafði í nógu að snúast alla helgina. Fimmtán ára afmæli bakarísins var fagnað með sérstöku afmælistilboði og ýmsum nýjungum í bakaríinu og segist Eyjólfur aldrei hafa lent í öðru eins.Hér var fullt út úr dyrum alla tilboðsdagana og við höfum aldrei lent í öðru eins öll þessi fimmtán ár, sagði Eyjólfur í samtali við Víkurfréttir í morgun.
Eyjólfur vildi koma á framfæri kæru þakklæti til allra sem mættu í bakaríið og vildi láta fylgja að fljótlega verði sprellað að nýju.

Afmælistilboðið var eingöngu auglýst í Víkurfréttum.