Brimfaxi fær að leggja 600 metra reiðveg

Hestamannafélagið Brimfaxi í Grindavík hefur óskað eftir framkvæmdaleyfi fyrir 600 metra löngum reiðvegi. Vegurinn liggur frá núverandi reiðvegi á gamla sauðfjárgirðingarstæðinu norðanmegin frá austur að landamerkjum Þórkötlustaða og Hrauns.

Skipulagsnefnd Grindavíkur hefur heimilað skipulagsfulltrúa að gefa út framkvæmdaleyfi að uppfylltum öllum skilyrðum laga og reglna.

Framkvæmdin er í samræmi við gildandi aðalskipulag og telst ekki til meiriháttar framkvæmda í skilningi reglugerðar um framkvæmdaleyfi.