Brennuvargur í Krossmóa

Eldur var borinn að endurvinnslutunnum fyrir pappír við skrifstofuhúsnæði í Krossmóa í Reykjanesbæ síðdegis í gær. Talsverður eldur logaði í tunnunum þegar slökkvilið Brunavarna Suðurnesja bar að.

Slökkviliðið var fljótt að ráða niðurlögum eldsins en tunnurnar eru ónýtar og stór sorpgámur sviðnaði og hleri á honum bráðnaði.

Eldurinn kom upp í sorpgerði skammt frá húsvegg skrifstofubyggingar. Eldurinn náði ekki í húsið en brunalykt barst um bygginguna.