Börðust í gegnum snjóbyl í bruna við Heiðarholt

Eldur kom upp í eldhúsi íbúðar við Heiðarholt í Keflavík seint í kvöld. Húsráðandi og annar til sofnuðu út frá eldamennsku. Pizza var í ofninum og greinilega ekki Idol í sjónvarpinu því heimilisfólkið svaf vært framan við sjónvarpið.
Slökkvilið Brunavarna Suðurnesja slökkti eldinn en að sögn Sigmundar Eyþórssonar slökkviliðsstjóra hefur mönnum oft gengið betur að komast á vettvang. Nú var það ófærð og snjóbylur sem hægðu för. Þrátt fyrir það er tjónið minniháttar af völdum eldsins.