Bolludagur byrjar með þrumum og eldingum

Þrumuveðurs varð vart á Reykjanesskaganum nú í morgunsárið. Eldingar sáust og þrumur heyrðust í kjölfarið. Þrumur og eldingar geta stundum fylgt skúraskýjum og óstöðugu lofti en eru frekar fátíðar hér á landi.

Veðurstofan gerir ráð fyrir suðvestan 13-20 m/s og éljagangi, en 8-15 seinni partinn við Faxaflóa, hvassast úti við sjóinn. Hiti kringum frostmark. Snýst í norðan 8-13 á morgun og kólnar.


Myndin er úr safni og var tekin í miklu eldingaveðri sem gekk yfir Reykjanesskagann fyrir fáeinum misserum.