Bókasafnið flytur

Hillur tæmast óðum á Bókasafni Reykjanesbæjar en starfsfólk undirbýr nú flutning safnsins í ráðhús Reykjanesbæjar, að Tjarnargötu 12. Opnun á nýjum stað er ráðgerð í júníbyrjun.

Það er ekki hlaupið að því að flytja heilt bókasafn sérstaklega ekki þegar safngögnin telja rúmlega 70 þúsund. Þess vegna verður Bókasafn Reykjanesbæjar lokað allan maímánuð. Sektir munu ekki falla á gögn sem skila á í maí. Bæjarbúar geta aðstoðað við flutninginn með ýmsum hætti, t.d. tekið að láni eins margar bækur og þeir geta borið fram að lokun og rætt um flutninginn í samfélaginu.

Nýtt aðsetur Bókasafns Reykjanesbæjar.