Boðað til vinnustöðvunar tvisvar í vikunni
Flugvallarstarfsmenn og Isavia funda í dag
Ljóst verður síðar í dag hvort verður af boðaðri fimm klukkustunda vinnustöðvun flugvallarstarfsmanna á morgun, miðvikudag. Á dögunum stóðu starfsmenn Isavia fyrir vinnustöðvun sem óneitanlega hafði röskun á flugsamgöngur í för með sér. Samninganefndir Félags flugvallarstarfsmanna ríkisins, FFR, og Isavia hittast eftir hádegi í dag og verður síðar ákveðið með framhaldið.
Á tímabilinu frá kl. 04:00 til kl. 09:00, á morgun miðvikudaginn 23. apríl 2014, munu allir félagsmenn FFR, SFR og LSS hjá Isavia ohf, leggja niður störf að öllu óbreyttu. Hið sama verður uppi á teningnum föstudaginn 25. apríl, hafi samningar ekki náðst fyrir þann tíma.
