Bláa Lónið styrkir íþróttafélögin á Suðurnesjum
Bláa Lónið afhenti íþróttafélögunum í Grindavík, Reykjanesbæ, Garði, Sandgerði og Vogum styrki til íþróttastarfs barna og unglinga. Styrkirnir voru afhentir í Bláa Lóninu miðvikudaginn 24. maí síðastliðinn.
Magnea Guðmundsdóttir, upplýsingafulltrúi Bláa Lónsins, sagði við þetta tækifæri að innan íþróttafélaganna væri unnið ómetanlegt starf og það væri ánægjulegt fyrir Bláa Lónið að styðja við íþróttastarf barna og unglinga á Suðurnesjum með þessum hætti.
