Bláa Lónið færir slökkviliðinu hjartastuðtæki að gjöf

Bláa Lónið kom færandi hendi til Slökkviliðs Grindavíkur með hjartastuðtæki sem fer í slökkvibílinn.
Að sögn Ásmundar Jónssonar slökkviliðsstjóra kemur hjartastuðtækið sér vel en það var á óskalista slökkviliðsins.

„Á meðal okkar verkefna er lífbjörgun og því er mikið öryggi að hafa hjartastuðtæki um borð í slökkvibílnum. Þetta er eins tæki og er til dæmis í sundlauginni og hjá Bláa Lóninu sem er mikill kostur. Kunnum við Bláa lóninu kærar þakkir fyrir þessa höfðinglegu gjöf,“ sagði Ásmundur við heimasíðu Grindavíkurbæjar.