Björgunarsveitarmenn settu farg á fjúkrandi þak

Björgunarsveitarmenn úr Björgunarsveitinni Suðurnes stóðu vaktina síðdegis og þurftu meðal annars að setja farg á þak á geymsluhúsi á iðnaðarsvæðinu við Helguvík sem var að fjúka í veðurofsanum um miðjan dag. Gangstéttarhellur voru fluttar upp á þakið og þeim dreift þar, enda þakið klætt með dúk sem greinilega er ekki hugsaður fyrir íslenskar aðstæður.
Meðfylgjandi myndir voru teknar við björgunarstörfin í dag.



Víkurfréttamyndir: Hilmar Bragi Bárðarson