Björgunarsveitarfólk úr Reykjanesbæ til leitar á Snæfellsnesi

Tveir hópar björguarsveitarmanna hafa verið sendir frá Björgunarsveitinni Suðurnes vestur á Snæfellsnes til að taka þátt í leit að karlmanni sem er týndur.

Lög­regl­an óskaði eft­ir aðstoð björg­un­ar­sveit­ar­manna um klukk­an sex í kvöld í leit að mann­in­um ná­lægt Eld­borg á sunn­an­verðu Snæ­fellsnesi. Alls hafa um 300 björgunarmenn verið virkjaðir.

Haraldur Haraldsson, formaður Björgunarsveitarinnar Suðurnes, segir að um sé að ræða gönguhóp og einnig menn á fjórhjólum.

Leit­in bein­ist að sunn­an­verðum Haffjarðar­múla í Hnappa­dal sem er nærri veg­in­um yfir Hey­dal. Spor­hund­ar taka einnig þátt í leit­inni.

Þá tók Björgunarsveitin Suðurnes þátt í stórri leit á Suðurnesjum í gærkvöldi þar sem leitað var að týndum einstaklingi. Hann fannst heill á húfi.