Bjartviðri og allt að 15 stiga hiti

Veðurhorfur á landinu næsta sólarhringinn:

Bjartviðri sunnan- og vestanlands, en léttir smám saman til norðan- og austanlands. Hægviðri og víðast léttskýjað í kvöld og nótt. Gengur í sunnan 8-10 með rigningu um landið vestanvert eftir hádegi á morgun, en hægari og bjart veður austantil. Hiti 12 til 17 stig að deginum, hlýjast inn til landsins.

 

Faxaflói:

Hæg vestlæg átt og skýjað með köflum eða bjartviðri. Hægt vaxandi sunnan átt á morgun, 8-10 m/s síðdegis og rigning. Hiti 8 til 15 stig.

 

Veðurhorfur á landinu næstu daga:

Á fimmtudag:

Gengur í sunnan 5-10 m/s með rigningu, en bjart að mestu norðaustan- og austanlands. Hiti 10 til 18 stig, hlýjast á Norðaustur- og Austurlandi.

Á föstudag:

Suðvestan 5-10 og skúrir, en lengst af þurrt og bjart norðaustantil. Hiti breytist lítið.

Á laugardag:

Suðvestlæg átt og rigning eða skúrir, einkum fyrripart dags. Áfram milt í veðri.

Á sunnudag:

Austlæg átt og væta víða um land. Hiti 8 til 14 stig.

Á mánudag og þriðjudag:

Útlit fyrir stífa norðvestan átt með rigningu og heldur kólnandi veðri.

 

Af vedur.is..