Bíósýning til styrktar D-álmu

Á uppstigningardag verður bíósýning á vegum Lionsklúbbanna á Suðurnesjum til styrktar D-álmu HSS.
Sambíóin bjóða Lionsklúbbunum að halda sýninguna og rennur öll innkoma í sjóð til tækjakaupa á endurhæfingardeild D-álmu Heilbrigðisstofnunar Suðurnesja. Myndin sem verður sýnd heitir Seespot Run og er fjölskyldumynd í anda Home Alone myndanna. Sýningin hefst kl. 18 og eru foreldrar og aðrir Suðurnesjamenn hvattir til að mæta með börnin og eiga góða stund með þeim.