Bílvelta og útafakstur á bílaleigubílum

Laust eftir kl. 19 í gærkvöldi fékk Lögreglan á Suðurnesjum tilkynningu um bílveltu á Suðurstrandarvegi um 20 km. frá Grindavík. Ferðamaður hafði þá velt bílaleigubíl á hlið en alls voru fjórir aðilar í bílnum. Engan sakaði en ökumaðurinn þurfti að ganga töluverðan spöl til að komast í símasamband til að tilkynna um óhappið. Bifreiðin var síðar fjarlægð af vettvangi með kranabifreið.

 

Snemma í morgun eða skammt fyrir kl. 06:00 var tilkynnt um útafakstur á Reykjanesbrautinni rétt við Grindavíkurafleggjarann. Þar hafði ökumaðurinn misst stjórn á bílaleigubifreið, sem hann ók og hafnaði hún um 20 metra fyrir utan veg. Engann sakaði við óhappið. Bifreiðin var óökufær eftir óhappið og var fjarlægð að vettvangi með kranabifreið.