Bílvelta á Garðskagavegi

Bíll valt á Garðskagavegi um miðjan dag í gær. Fljúgandi hálka var á veginum, sem varð til þess að ökumaðurinn missti stjórn á bifreiðinni með þeim afleiðingum að hún fór eina veltu utan vegar. Samkvæmt upplýsingum frá lögreglunni á Suðurnesjum slasaðist ökumaðurinn ekki og gat ekið bifreiðinni af vettvangi þótt hún væri töluvert skemmd.

Lögregla bendir íbúum umdæmisins á að mikil hálka er víðast hvar og því ástæða til að fara varlega.