Besti árangur skólanna í Garði og Sandgerði

Fyrstu niðurstöður á samræmdum prófum í Sandgerði og Garði í 10. bekk liggja fyrir. Árangur skólanna er sá besti sem þeir hafa heilt yfir náð frá upphafi.

Sérstaka athygli vakti góður árangur skólanna í íslensku en Gerðaskóli var yfir landsmeðaltali í íslensku, og náði bestum árangri af skólum á þjónustusvæði fræðsluskrifstofu Reykjanesbæjar.

Miklar framfarir voru hjá nemendum í Sandgerði og náði skólinn settum markmiðum sínum í 10. bekk. Þessi frétt er birt með fyrirvara um að endanlegar tölur hafa ekki enn borist frá Námsmatsstofnun.