Bærinn kaupir Brautarnesti
- lóðinni breytt í bílastæði
Reykjanesbær hefur keypt húsnæði og lóð sem áður hýsti söluturninn Brautarnesti að Hringbraut 93b í Keflavík. Brautarnesti varð eldi að bráð í sumar.
„Bæjarráð samþykkir kaupsamninginn og afsalið og felur bæjarstjóra að ganga frá kaupunum,“ segir í fundargerð bæjarráðs frá því í gær. Samkvæmt heimildum Víkurfrétta mun húsnæðið víkja af lóðinni sem verður gerð að bílastæði fyrir leikskólann Tjarnarsel
Brautarnesti var elsta sjoppa Keflavíkur og hugsanlega elsta sjoppa landsins en sjónvarp Víkurfrétta gerði innslag um sjoppuna fyrr á árinu eins og sjá má hér að neðan:
