Bæjarmerki Suðurnesjabæjar tekur á sig mynd

Þrjár tillögur um byggðamerki fyrir Suðurnesjabæ hafa verið kynntar fyrir bæjarstjórn sveitarfélagsins. Það er auglýsingastofan Hvíta húsið sem vinnur að útfærslu byggðamerkis en almenningi gafst m.a. kostur á að koma að hugmyndum um bæjarmerki.

 

Talsverðar umræður voru um byggðamerki og hönnunarstaðal á síðasta fundi bæjarstjórnar Suðurnesjabæjar og þar var samþykkt samhljóða að senda eina tillögu af þremur til frekari úrvinnslu.

 

Ekki kemur fram í opinberum gögnum bæjarstjórnar á hvaða nótum sú tillaga er.