Auglýst eftir bæjarlistamanni Grindavíkur

Frístunda- og menningarnefnd Grindavíkur hefur auglýst eftir tilnefningum um bæjarlistamann Grindavíkur 2016. Útnefningin verður tilkynnt í tengslum við Menningarviku Grindavíkurbæjar sem haldin verður 12.-20. mars nk. Ábendingar þurfa að hafa borist frístunda- og menningarnefnd í síðasta lagi 1. febrúar 2016 á netfangið [email protected].

Frístunda- og menningarnefnd Grindavíkur útnefnir annað hvert ár bæjarlistamann Grindavíkur og annað hvert ár menningarverðlaun Grindavíkur, samkvæmt nýsamþykktri menningarstefnu Grindavíkur.

Bæjarlistamaður Grindavíkur:
2014 Halldór Lárusson

Menningarverðlaun Grindavíkur:
2015 Harpa Pálsdóttir
2013 Einar Lárusson
2012 Þorbjörn hf.
2011 Bryggjubræður, Aðalgeir og Kristinn Jóhannssynir
2010 Ómar Smári Ármannsson og Saltfisksetrið