Atvinnumál í brennidepli á vetrarfundi SSS

Í dag fer fram árlegur vetrarfundur SSS, Sambands sveitarfélaga á Suðurnesjum. Allir kjörnir sveitarstjórnarmenn á Suðurnesjum eiga seturétt á fundinum, auk framkvæmdastjóra sveitarfélaganna.

Fundurinn er kjörinn vettvangur til að taka til umfjöllunar mál er varða sameiginlega hagsmuni sveitarfélaganna á svæðinu, auk þess sem sveitarstjórnarmenn svæðisins efla tengslin sín á milli.

Að þessu sinni verða atvinnumál í brennidepli, þar sem verður kynnt starfsemi Atvinnuþróunarfélagsins Heklunnar, Markaðsstofu Reykjaness, Reykjanes jarðvangs, Þróunarfélags Keflavíkurflugvallar (Kadeco) og Vinnumálastofnunar. Sóknaráætlun Suðurnesja verður kynnt og að lokum verður fjallað um málefni aldraðra.