Atvinnuleysi 12,1% á svæðinu - Ekki 20%

Atvinnuleysi á Suðurnesjum mælist nú 12,1% Fyrr í vikunni var greint atvinnuástandinu á Suðurnesjum þar sem atvinnuleysi var sagt 20%. Það reynist ekki rétt. Þessar tölur voru hafðar eftir Samtökum Atvinnurekenda á Reykjanesi eftir aðalfund þeirra 30. maí síðastliðinn.

Ef skoðaðar eru tölur um atvinnuleysi hjá Vinnumálastofnun segir hins vegar að atvinnuleysi hafi verið 12,1% í maí á Suðurnesjum sem þó er mest á landinu. Atvinnulausir einstaklingar á Suðurnesjum eru 1.371 í maí, þar af eru 767 karlmenn og 604 konur en 1.498 voru atvinnulausir í apríl. Fyrir ári síðan mældist atvinnuleysi á svæðinu 13,5%.

Væntanlegar eru tölur yfir júnímánuð í næstu viku en ekki liggur fyrir hverjar þær eru á þessari stundu.

Hér að neðan má sjá töflu frá 14. júní frá Atvinnumálastofnun og frekari upplýsingar með því að smella hér.