Átak í skráningum hunda og katta í Grindavík

Á síðasta fundi bæjarráðs Grindavíkur lagði Róbert Ragnarsson, bæjarstjóri, fram tillögu um samstarf Heilbrigðiseftirlits Suðurnesja og Grindavíkurbæjar um átak í skráningu katta og hunda í Grindavík, með vísan til samþykkta um hunda- og kattahald á Suðurnesjum.

Í Grindavík eru skráðir 114 hundar og 60 kettir, en á vef Grindavíkurbæjar er birtur listi yfir skráða hunda og ketti í bænum.

Bæjarráð samþykkti tillöguna og fól upplýsinga- og þróunarfulltrúa að kynna verkefnið með dreifibréfi til íbúa og á vef Grindavíkurbæjar.