Ásókn í stór bátaskýli í Hvassahrauni

Umhverfis- og skipulagsyfirvöldum í Sveitarfélaginu Vogum hafa borist tvær umsóknir með stuttu millibili þar sem óskað er eftir því að fá að byggja stór bátaskýli í Hvassahrauni. Eru óskir um að byggja allt að 50 fermetra bátaskýli við ströndina.

Nefndin telur að breyta þurfi gildandi deiliskipulagi á svæðinu svo heimilt verði að byggja stærri verkfæra/bátaskýli en skipulagsskilmálar heimila og vísar ákvörðun um það til eiganda lóða á skipulagssvæðinu. Það er álit nefndarinnar að heildarstærð slíks húss geti verið 40 fermetrar.