Árni Johnsen sakar þingmenn um ósiðleg vinnubrögð
Sækist efitr einu af efstu sætunum í prófkjöri Sjálfstæðisflokks í Suðurkjördæmi
Árni Johnsen, fyrrverandi þingmaður Sjálfstæðisflokksins, sækist eftir einhverju efstu sætanna í prófkjöri flokksins í Suðurkjördæmi. Árni greinir frá þessu í aðsendri grein í Morgunblaðinu í dag. Þar sakar hann einnig fyrrum meðframbjóðendur sína úr síðasta prófkjöri, þau Ragnheiði Elínu Árnadóttur, Ásmund Friðriksson og Unni Brá Konráðsdóttur, um ósiðleg og ódrengileg vinnubrögð. Þau hafi skipulega fælt fólk frá því að kjósa hann í prófkjöri flokksins árið 2013.
„Þannig rottuðu þau sig saman, Ragnheiður Elín, Unnur Brá og Ásmundur, og höfðu erindi sem erfiði en þessi vinnubrögð þeirra eru hins vegar einsdæmi í sögu prófkosninga Sjálfstæðisflokksins. Meginmarkmiðið í prófkjöri er að almennir kjósendur velji á lista en ekki frambjóðendurnir sjálfir. Þessi vinnubrögð eru ekki ólögleg en þau eru algjörlega siðlaus og ódrengileg á versta máta,“ segir Árni í greininni sem lesa má hér.
