Árekstur á mótum Aðalgötu og Reykjanesbrautar

Árekstur tveggja bíla varð á gatnamótum Aðalgötu og Reykjanesbrautar síðasta þriðjudag og voru ökumenn fluttir a Heilbrigðisstofnun Suðurnesja.

Í tilkynningu frá Lögreglunni á Suðurnesjum segir að áreksturinn hafi orðið með þeim hætti að öðrum bílnum var ekið inn á Reykjanesbrautina og í veg fyrir hinn. Bílarnir voru báðir óökufærir eftir óhappið og því fjarlægðir með dráttarbifreið.

Lögreglunni var tilkynnt um árekstur tveggja bíla á milli Garðs og Keflavíkur í gær. Engin meiðsl urðu á fólki en talsverðar skemmdir á bílunum.