Annríki hjá sjúkraflutningamönnum um helgina
Mikið annríki var hjá sjúkraflutningamönnum hjá Brunavörnum Suðurnesja aðfaranótt sl. sunnudags. Á stuttum tíma um nóttina þurftu sjúkraflurtningamenn að sinna sjö útköllum og tvívegis voru tveir bílar úti samtímis.
Af þessum sjö útköllum þurfti að fara í fjóra flutninga til Reykjavíkur. Veikindi voru ástæður flestra útkallanna en einnig var sjúkralið kallað til þar sem einstaklingar höfðu tekið of stóra lyfjaskammta.
