Allir hafa samþykkt göngu- og hjólastíg

Allir landeigendur hafa heimilað lagningu göngu- og hjólreiðastígs milli Voga og Brunnastaðahverfis, meðfram gamla Vatnsleysustrandarveginum.

Ásgeir Eiríksson, bæjarstjóri í Vogum, segir þetta að sjálfsögðu gleðifréttir og fagnaðarefni að þetta jákvæða og samfélagslega mikilvæga verkefni verði að veruleika. Nú þegar er hafinn undirbúningur við verkefnið, sem gert er ráð fyrir að verði boðið út á næstu dögum.