Ákveðin manneskja grunuð um hótun í Leifsstöð

Ákveðin manneskja liggur undir grun um sprengjuhótunina í Leifsstöð í nótt og er hennar nú leitað.

Fjarskiptamiðstöð Ríkislögreglustjóra barst tilkynningin í nótt og var allt tiltækt lið kallað út til sprengjuleitar um klukkan hálffjögur.

Var um óljósa tilkynningu að ræða en svo nefnist tilkynning þegar grunur leikur á að um gabb sé að ræða. Ekki var gripið til þess að rýma flugstöðina, til að vekja ekki ótta ferðamanna. Þess í stað var leitað skipulega á ákveðnum svæðum.

Leit lauk án þess að nokkuð fyndist.