Ákveðið að gera við Kvíabryggju

Hafnarstjórn Grindavíkurbæjar samþykkti á fundi sínum 26. janúar s.l. að ráðist yrði í viðgerð á Kvíabryggju sem skemmdist töluvert í miklu óveðri fyrir nokkru síðan.Í greinargerð kemur fram að bryggjan virðist ekki vera brotin en hugsanlega eru bitar sprungnir og boltar snúnir. Dekkið lyftist einnig upp í heilu lagi og undirstöðustaurar eru í lausu lofti nema til endanna. Gerð verður tilraun til að reka bryggjuna niður og koma henni í samt lag. Ef það tekst ekki verða boltarnir hertir og sprungnir bitar, styrktir. Viðlagatrygging mun síðan meta tjónið eftir því hvernig viðgerð gengur.