Afþakkaði stöðuna

Magnús Sigurjón Guðmundsson, sem nýlega var ráðinn tómstunda- og íþróttafulltrúi í Garði, hefur afþakkað stöðuna. Alls sóttu 28 manns um starfið og þóttu þrír umsækjendur hæfastir að mati Capacent ráðninga. Magnús þótti hafa bestu meðmælin en hann hefur starfað sem verkefnastjóri og umsjónarmaður félagsmiðstöðvarinnar Borgyn í Borgarskóla og mun ætla að halda því áfram eftir því sem næst verður komist.

Bæjarstjórn hafði óskað eftir því að Magnús hæfi störf sem fyrst. Að sögn Ásmundur Friðrikssonar, bæjarstjóra,  munu bæjarvöld skoða þá umsækjendur sem Capacent taldi hæfasta.
---

VFmynd/elg - Unga fólkið í Garði fær ekki nýjan tómstunda- og íþróttafulltrúa alveg strax.