Aftanákeyrsla á Garðskagavegi

Laust fyrir kl. 19:00 var lögreglu tilkynnt um aftanákeyrslu á Garðskagavegi rétt norðan við Sandgerði. Þrennt var í bílunum tveimur og var kona, sem ók öðrum bílnum, flutt með sjúkrabifreið á HSS. Þar var hugað að meiðslum hennar sem þó voru ekki talin alvarleg. Aðra sakaði ekki. Bílarnir skemmdust mikið og þurfti að flytja þá af staðnum með dráttarbifreið.