Áfram í gæsluvarðhaldi á grundvelli rannsóknarhagsmuna

Tveir menn sem setið hafa í gæsluvarðhaldi frá því í seinni hluta janúar, vegna rannsóknar lögreglu á þjófnaði úr gagnaverum, hafa verið úrskurðaðir í áframhaldandi gæsluvarðhald. Úrskurðurinn, sem Héraðsdómur Reykjaness kvað upp í dag, gildir í eina viku. RÚV greinir frá þessu.

 

Gæsluvarðhaldið er á grundvelli rannsóknarhagsmuna en eins og komið hefur fram þá var 600 tölvum stolið úr gagnaverum, m.a. í Reykjanesbæ. Verðmæti þýfisins er um 200 milljónir króna.