Ætlaði í flug en fór í steininn

Kófdrukkinn erlendur ferðamaður fær nú að gista fangageymslur lögreglunnar á Suðurnesjum eftir að hann var handtekinn í flugrútu á leið til Keflavíkur í morgun.

Ferðalangurinn, sem vissi vart hvort hann var að koma eða fara, sökum ölvunar, lét ófriðlega í flugrútunni. Í þessu ástandi þótti ekki ráðlegt að senda manninn um borð í flugvél en fékk þess í stað gistingu í steininum í Keflavík.