Ætla að beita sér fyrir þjóðarsátt um flutning innanlandsflugsins til Keflavíkurflugvallar

Stofnfundi áhugafélags um flutning innanlandsflugsins til Keflavíkurflugvallar var að ljúka en hann var haldinn á veitingahúsinu Ránni í Keflavík.

Félagið lýsti því yfir á fundinum að það ætli að beita sér fyrir „þjóðarsátt um flutning innanlandsflugsins til Keflavíkurflugvallar.“

Fundargestir voru mjög ánægðir með stofnun félagsins en um það hefur myndast þverpólitísk samstaða. Á fundinum voru lagðar fram ýmsar áhugaverðar staðreyndir um sparnað sem mun fylgja flutningi vallarins til Suðurnesja en það kom meðal annars fram í ræðu Sigurðar Garðarssonar ráðgjafa.

Víkurfréttir munu rýna nánar í það sem kom fram á fundinum á morgun og mun það birtast hér á vefnum.

Kosin var stjórn félagsins á fundinum en hana skipa eftirtaldir:

Páll Ketilsson
Eysteinn Eyjólfsson
Viktor B. Kjartansson
Eysteinn Jónsson
Sveindís Valdimarsdóttir
Björk Guðjónsdóttir
Guðný Kristjánsdóttir
Friðjón Einarsson

Einnig voru kosnir tveir skoðunarmenn reikninga en þeir eru:

Brynjólfur Sævarsson
Eyrún Sigurðardóttir