Á vélsleða í Grindavík

Skömmu eftir hádegi í gær var tilkynnt um akstur vélsleða innanbæjar í Grindavík. Lögregla fór á staðinn.

Samkvæmt 13. gr. lögreglusamþykktar fyrir Grindavíkurkaupstað er notkun vélsleða á götum bæjarins háð leyfi lögreglu og samkvæmt 43. gr. umferðarlaga má eigi aka torfærutæki á vegi, sem ekki er einkavegur.

Vélsleði telst til torfærutækja samkvæmt umferðarlögum.

Ekki náðist í vélsleðamanninn.

Myndin tengist ekki fréttinni.