Á rúmlega 70 yfir hámarkshraða
Á 123 km hraða þar sem hámarkshraði er 50
Ungur ökumaður mældist aka á 123 km hraða á Njarðarbraut í Njarðvík þar sem hámarkshraði er 50 km á klukkustund. Hann var sviptur ökuréttindum til bráðabirgða og þarf að auki að greiða 130.000 króna fjársekt. Þá fær hann þrjá refsipunkta í ökuferilsskrá. Vegna ungs aldurs hans gerði lögreglan á Suðurnesjum barnavernd viðvart um málið.
Auk ökumannsins unga voru sextán ökumenn kærðir fyrir hraðakstur. Fáeinir til viðbótar óku án ökuréttinda og nokkuð var um stöðvunarskyldubrot.
