70 kannabisplöntur í iðnaðarhúsnæði

Lögreglan á Suðurnesjum stöðvaði nýverið kannabisræktun í umdæminu. Ræktuninni hafði verið komið fyrir í iðnaðarbili, í þremur ræktunartjöldum á efri hæð húsnæðisins. Lögðu lögreglumenn hald á nær 70 kannabisplöntur, auk lampa, filtera og annars búnaðar.  Þeir höfðu jafnframt upp á einstaklingi, sem hafði yfir húsnæðinu að ráða og viðurkenndi hann að ræktun færi fram í rýminu.

Þá fór lögregla í aðra húsleit. Við leit í umræddu húsnæði fannst tjald, sem notað hafði verið til kannabisræktunar og ýmis ummerki um ræktunina sjálfa. Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.