60 manns fylgt úr landi í fyrra
Lögreglufulltrúar frá ríkislögreglustjóra fylgdu um 60 manns, aðallega hælisleitendum, úr landi í fyrra. Kostnaður við þetta nam um 15 miljónum króna. Sjónvarpið greindi frá þessu í kvöld.Alþjóðadeild ríkislögreglustjóra kemur með ýmsum hætti að málefnum hælisleitenda og ólöglegra útlendinga. Deildin vinnur meðal annars náið með Útlendingastofnun og ef ákveðið er að vísa fólki úr landi tekur alþjóðadeildin við málinu, annast undirbúning, samskipti við erlend sendiráð og yfirvöld varðandi vegabréf og fleira. Þá sjá lögreglufulltrúar frá ríkislögreglustjóra um að fylgja fólki úr landi.
