44 framúrskarandi fyrirtæki á Suðurnesjum

Fjörutíu og fjögur fyrirtæki á Suðurnesjum eða tæplega 5% af heildarfjöldanum eru á lista Creditinfo yfir framúrskarandi fyrirtæki. Fyrirtækin koma úr öllum helstu greinum atvinnulífsins, sjávarútvegi, framleiðslu og verslun, verktakar úr iðnaðargeiranum og þá er nýtt fyrirtæki úr hugbúnaðargeiranum á listanum.  

Aðeins eitt fyrirtæki á Suðurnesjum hefur verið á listanum á hverju ári síðan hann kom fyrst út árið 2010 en það er Verkfræðistofa Suðurnesja. 

Nánar um Framúrskarandi fyrirtæki:

Þetta er í fjórtánda sinn sem Credit-info veitir framúrskarandi fyrirtækjum í íslensku atvinnulífi vottun fyrir góðan og traustan rekstur en listinn í ár var gerður opinber á viðburði í Hörpu í síðustu viku. Alls hafa rúmlega tvö þúsund fyrirtæki einhvern tímann komist á listann. Þegar Creditinfo metur hvort fyrirtæki teljist framúrskarandi er m.a. horft til þess hvort ársreikningi hafi verið skilað á réttum tíma, og þegar litið sé til síðustu þriggja ára sé rekstrarhagnaður, ársniðurstaðan jákvæð, rekstrartekjur að lágmarki 50 millj. kr. og eiginfjárhlutfall a.m.k. 20%. Um 39 þúsund fyrirtæki skila ársreikningi en þegar litið er til allra annarra skilyrða sem fyrirtæki þurfa að uppfylla, þá teljast aðeins um 2% fyrirtækja framúrskarandi.

Framúrskarandi fyrirtæki á Suðurnesjum 2023:

Meðfylgjandi myndir tók ljósmyndari Creditinfo við afhendingu viðurkenninganna:

Geirný Geirsdóttir og Hjalti Már Brynjarsson frá Grjótgörðum.

Þorfinnur Gunnlaugsson og Rúnar Helgason frá Lagnaþjónustu Suðurnesja.

Jón Ragnar Reynisson og Hjörleifur Stefánsson og frá Nesrafi.

Bræðurnir í TSA, Stefán og Ari Einarssynir.

Skólamatarsystkinin Fanný og Jón Axelsbörn.

Gunnlagur Kárson og Páll Erland frá HS Veitum.