42% ökumanna án bílbelta í Sandgerði

Lögreglan fylgdist með umferð á Suðurgötu í Sandgerði á dögunum, þar sem 132 bifreiðum var ekið um á tímabilinu sem könnunin var gerð, en hún var gerð til þess að kanna beltanotkun ökumanna.
Í ljós kom að 76 ökumenn voru með beltin spennt en 56 voru ekki með öryggisbelti spennt við aksturinn. Gerðar verða samskonar kannanir í öðrum sveitarfélögum embættisins á næstunni.