3000 manns mættu á sýningu í Garði
– fyrirtæki kynni sér kosti þess að setjast að í Garðinum.
Um 3000 manns mættu á fyrirtækjasýningu em haldin var í Garði sl. haust af Markaðs- og atvinnumálanefnd Garðs. Á fundi nefndarinnar nú í mánuðinum kom fram að sýningin hafi í alla staði tekist vel
Ásgeir Hjálmarsson, framkvæmdastjóri sýningarinnar, fór yfir gang sýningarinnar og benti á örfá atriði sem má skoða betur fyrir næstu sýningu t.d. að auglýsa sýninguna betur. Einnig má skoða að sýningin verði á 3 ára fresti, segir í fundargerð nefndarinnar.
Þá leggur nefndin til að sett verði af stað markaðsátak fyrir Garðinn og þá með það í huga að fá utanaðkomandi fyrirtæki til að koma og kynna sér kosti sveitarfélagsins og gera áætlun að auknum atvinnuskapandi verkefnum.
