30 km hámarkshraði á Hafnargötu

íbúar Hafnargötu hafa löngum verið óhressir með umferðarmál við götuna. Bílar aka oft langt fyrir ofan hámarkshraða sem er 50 km/klst. Íbúar að Hafnargötu 74 fóru þess á leit við bæjarstjóra að ráðstafanir yrðu gerðar til að draga úr umferðarhraða og -hávaða í götunni. Skipulags- og byggingarnefnd tók málið fyrir á fundi sínum fyrir skömmu og var ákveðið að lækka hámarkshraða í götunni niður í 30 km/klst og koma fyrir upphækkaðri hraðahindrun við Hafnargötu 80.