180 einstaklingar í einangrun á Suðurnesjum um jólin
Á síðustu sjö sólarhringum hafa verið tekin um 2600 sýni hjá Heilbrigðisstofnun Suðurnesja á Iðavöllum í Keflavík. Þar af voru 180 einstaklingar sem reyndust með Covid og verða í einangrun yfir jól og jafnvel áramót.
Alls fengu 1250 einstaklingar örvunarbólusetningu á Suðurnesjum í vikunni. Tekið verður hlé á bólusetningum til 5. janúar.
Opnunartími í Covid Sýnatökur og bólusetningar á Iðavöllum 12a yfir jól og áramót:
24. desember, aðfangadagur – opið frá 8:30 til 10:00
25. desember, jóladagur – Lokað
26. desember, Annar í jólum – opið frá 8:30 til 10:00
31. desember, gamlársdagur – opið frá 8:30 til 10:00
1. janúar – Lokað
2. janúar – opið frá 8:30 til 10:00
Aðra daga eru hefðbundnir opnunartímar.
Ekki er lengur boðið uppá hraðpróf vegna viðburða á Iðavöllum. Það er hægt að fá hjá Öryggismiðstöðinni. Önnur hraðpróf en vegna viðburða eru tekin á Iðavöllum.
Athugið!
Opið verður í hraðpróf hjá Öryggismiðstöðinni, Aðalgötu 60 Keflavík alla daga. Sjá nánar á testcovid.is
Opið verður í einkennasýnatökur hjá Heilsugæslu höfuðborgarsvæðisins á Suðurlandsbraut 34 flesta daga, sjá heilsugaesla.is
Covid- bólusetningar
Engar bólusetningar verða á Iðavöllum milli jóla og nýárs.
Opnað verður aftur fyrir covid bólusetningar eftir hádegi miðvikudaginn 5. janúar
Athugið!
Opið verður í bólusetningar í Laugardalshöll í Reykjavík á milli 10:00 og 12:00 alla daga milli hátíða nema gamlársdag.
